लन्डन । सन् २०१० मा अफगानिस्तानको युद्धभूमिमा भएको एक विस्फोटमा रोल्पाका युवा गोर्खा सैनिक हरि बुढामगरले आफ्ना दुवै खुट्टा मात्र गुमाएनन्, उनको भविष्यको सपना पनि धरापमा पर्‍यो । त्यो क्षणपछि उनले मात्र नभई धेरैले उनको भविष्य समाप्त भयो होला भन्ने ठानेका थिए । ह्विलचेयरमा सीमित हुने अनुमान, अस्पतालका दिनहरू, पुनःस्थापनाको कठिन यात्रा सबै कुरा एउटा कथाको दुःखद अन्त्यजस्तै लाग्थ्यो, तर त्यो अन्त्य नभएर नयाँ अध्यायको थालनी रहेछ भन्ने साबित भयो । आज तिनै हरि बुढा मगरले कृत्रिम खुट्टा (प्रोस्थेटिक) को सहायताले विश्वका सातै महाद्वीपका सर्वोच्च शिखरहरू ‘सेभेन समिट’ आरोहण गरेर पहिलो ‘डबल एभब नी’ (घुँडामाथिबाट दुवै खुट्टा नभएका) आरोही बनेर नेपाल